大家好，又都更加無人睇嘅雜記環節。最近真係發生好多事，時日太快，無知的小孩一晚長大嘅感覺。
啱啱碌咗自己嘅Blog，結果發現上一篇嘅雜記已經係舊年嘅五月二十九日（上一篇），咁就好多嘢可以寫啦。
工作
咁講下工作先啦，舊年六月funding到期之後改爲freelance or part-time形式接job，令我嘅生活變化真係劇變。首先最直接係係屋企時間多咗，慳咗唔少嘅開支以及搭車嘅時間之類。其次係而家已經作息時間習慣到下晝起身，夜晚工作啦，唔知係好定唔好，反正老母覺得唔好。
至於工資，肯定少過以前，不過因爲慳返啲車錢同飯錢，加上老母嘅打救（aka公屋），所以姑且還過得去，仲有時間可以得閒寫下廢文（你哋見到同見唔到嗰啲），雖然開頭有啲擔心，但而家發現正好避開曬幾單大嘅社會事件，home office未嘗唔係壞事。
good work-life balance yeah
政治與社會評論
參閱: 後國安法年代隨筆
PSO2
因爲武漢肺炎嘅影響好多嘢都要延期……啊，下個上級職係槍劍，係槍劍啊！雖然好期待，但武漢肺炎關係應該都要延期……希望，至少係暑假期間可以出啦，畢竟今次應該係單一武器，應該工期會寬鬆好多？
不過呢期基本上嘅更新都比較稀疏，都係刷下素材/武器啊之類，希望開發團隊都努力啲，加油啦……雖然日本嗰邊嘅疫情唔係咁理想……啊不過日韓係呢次疫情都係做得比較好嘅國家，最細化咗經濟影響並把疫情控制係一定程度內，呢點值得好多大國學習。
女裝
呢期疫情見酒店大劈價，有日屎忽痕走去租咗一晚透明玻璃酒店房玩兼影相，位處中環中心地帶附近，10幾分鐘到老蘭/香港站附近，係幾方便。
相片係 相簿 自己去睇啦。
鍵盤
最近屎忽痕，想享受啪啪聲嘅樂趣，走去買機械鍵盤，首先試嘅係Polar PGK-113。但係畢竟有線，唔潮，於是換咗一輪最後買咗Keychron K1長用，Goodla。
詳情可查看：機械鍵盤漫遊記——Keychron K1
繪畫
最近亦努力抽時間練畫畫，但仲覺得冇乜進展……唔，會唔會報個班會好啲快啲呢……？