menu
走資攻略——加密貨幣篇


2020-05-30
IT及Linux綜合 > 產品心得

share

2020年8月4日更新返價錢/會籍等級

大家好，唔知大家熱衷走資嘅時候，有無遇到困擾，就係窮x得幾萬元話多唔多，話少亦唔算少，但又唔夠有錢開離岸。此刻嘅你，有無諗過換成Crypto Currency之類嘅呢？如果你對加密貨幣有少少認識又唔係好知點買，可以睇落去啦。

聲明

本文章純屬個人經驗分享，並不爲任何公司背書，亦並非收受本文章提及任何公司嘅非公衆人士可獲得嘅回報以作宣傳。由於加密貨幣嘅價錢浮動極大，缺乏保底機制，特定情況下加密貨幣的價值可以跌至零。在作出任何行動前，你需清楚並明白其風險及實質意義而作出，本人並非提供投資建議，亦非投資專業人士，本文章亦不構成投資邀約，請在作出投資前，尋求專業人士意見並衡量風險。

選擇

首先如果你要從港紙換成加密貨幣，你要選擇留意市價，並衡量風險後選擇自己認爲適合嘅貨幣。常見嘅貨幣會有：

  • BitCoin
  • Ethereum
  • EOS.IO
    ……等等，您需要揀定自己想要嘅貨幣，並留意有無交易所支援。

步驟

如果你要購買加密貨幣，有很多方法。而係該文章當中，步驟可以分爲：

  • 轉出港幣
  • 港幣轉換歐元
  • 歐元匯入交易所嘅個人hot wallet
  • 經交易所賬戶購買加密貨幣並存入hot wallet
  • （可選）把唔用嘅部分存入hardware wallet

Hot wallet

加密貨幣最原始係自己host自己嘅wallet係最安全，但由於依賴儲存wallet嘅硬件，以及使用體驗有待改進，多device同步比較麻煩，所以有好多Hot wallet營運而生。而部分更可以發行debit card給用戶，係app入面把加密貨幣轉換成法幣就可以直接碌卡，甚至提款。

而係香港可以申請到嘅部分hot wallet有：

  • Crypto.com
  • WireX
  • TenX
  • 中資嘅Binnance
  • BitPay
  • BitFlyer
    >>>舊資料
唔同嘅wallet有唔同嘅手續費同法幣轉換嘅方式，而發行嘅Debit Card亦有唔同嘅回贈（或者無）。例如Crypto.com發行嘅Debit Card根據你Stack 嘅價值不同，可以有不同程度嘅現金回贈及福利。例如stack 約2k可以有Free Spotify，stack 20k港幣可以free埋netflix並有3%現金回贈。而現時到6月30日更會有Foodpanda、hktvmall、百佳等店鋪嘅10%回贈。
    2020年8月4日更新：
    Crypto.com已經把MCO廢除並要用戶轉移到CRO，而現有用戶係91日內轉移會獲得20%bonus回贈。
    而伴隨Swap Program，亦順勢爲Stake攞着數嘅等級加價，從最少嘅50MCO（約1.7k港幣）升自500CRO（6k港幣），而舊有用戶可享有原來優惠。所以：
    唔同嘅wallet有唔同嘅手續費同法幣轉換嘅方式，而發行嘅Debit Card亦有唔同嘅回贈（或者無）。例如Crypto.com發行嘅Debit Card根據你Stack 嘅價值不同，可以有不同程度嘅現金回贈及福利。例如stack 約6k可以有Free Spotify，stack 60k港幣可以free埋netflix並有3%現金回贈。

2020年8月3日嘅更新、廢棄咗嘅新版本：

2020年8月中被百屌成鋼後嘅現行版本：

Stake現金回贈
限時10%現金回贈(已逾期)

新.限時10%現金回贈(直到 2020年9月30日)商戶：

上述嘅10%現金回贈係建基於stkae 1000CRO，如果你冇stake 1000CRO嘅話，只會有5%。
[關於呢個優惠可以睇呢篇文章。](https://help.crypto.com/en/articles/

由於我係Crypto.com 嘅用戶，所以今次會以Crypto.com做例子。不過你亦可以用其他wallet，甚至經交易所買入cold wallet，視乎你自己嘅concern。

註冊Crypto.com

註冊Crypto.com需要身份證及地址證明，你可以下載佢嘅App之後，按順序註冊並拍照身份證，同提交地址證明（都係政府信件啊、銀行信之類）。你亦可以選擇stack小量嘅錢去申請佢嘅Debit Card方便提取現金和消費。

你可以使用 我的邀請碼 2xfdyuq92a 註冊，可享50USD回贈。

申請 Transferwise

首先簡單介紹下Transferwise係一個跨國匯款服務，不過同銀行匯款唔同，佢哋係世界各地設置自己嘅銀行戶口，匯款其實只係你匯入佢本地戶口，確認收妥就當地戶口匯出相應款項，所以手續費係好多國家都係近乎0，香港轉EUR嘅話會有0.x%嘅手續費隱含係匯率中並係發起匯款時候話你知，而亦快傳統銀行嘅國際匯款好多。

所以我哋要首先申請Transferwise嘅account，成功後發起匯款，輸入金額會見到即時匯率同預計抵達日期。

之後打開Crypto.com 的 App，按下下方的logo彈出選單，點進Flat Wallet，選擇Setup new currency，選擇EUR，之後會彈出一版羅列SEPA匯款用的資訊：

你可以傳送到電郵自行儲存。

而只複製姓名和IBAN返回tranferwise，填入：

之後叫你確認一下資料，無問題之後就會叫你影張身份證，影完之後就會show佢tranferwise係香港嘅DBS Account：

用同你註冊時 相同姓名 嘅銀行戶口經FPS匯入存款，當佢收到之後，就會自動匯入約定金額嘅EUR入Crypto.com。大概 1-2天就會匯入到Crypto.com嘅歐元戶口。

收到之後

2020年8月4日更新：MCO已被取消，您必須改爲購買CRO。
收到之後，你就可以係Crypto.com買入CRO, BTC 之類嘅加密貨幣，或者匯入到debit visa入面 轉成SGD使用。如果你轉換完之後覺得唔安全，可以Self-Host Wallet，亦可以使用硬件級嘅wallet，我冇用過hardware wallet，但你可以參考 呢篇 文章講解及使用硬件錢包。

expand_less