廢話
時日飛快，又到十一月未。較早前公佈咗EP6嘅新職業 Phantom，未睇先估簡寫係Ph。武器組合係長杖、長槍與拔劍，按照Hero嘅Pattern，睇怕長槍係射，拔劍係打，咁長杖當然係法，之後仲有PA可以互相切換武器。而宣傳片嘅長杖係鐮刀外形差啲以爲有新武器種類:(…… 不過香港人已經習慣咗包容架啦，多一分大愛，少一分指斥，社會就可以更進步係咪？（正能量）
況且正面啲諗，PV出得嘅話，遲早都會寔裝該迷彩，到時無論用咩長杖都係鐮刀咪仲爽。（已經正能量化ed）
不過係Phantom之前，12月有Lv90開放，睇怕大家嘅火力可以更上一層樓。今日稍後有PSO2 Station，其實幾希望Lv90可以開放啲有趣嘅技能，或者直頭可以改變打法嘅能力，如果只係火力提升坦白講會有啲……啦，一啲啲，好少好少，一啲啲咁多嘅失望，我咁愛國愛黨愛9#，梗係支持啦係咪？
而係Lv90開放之前，今期係MH嘅合作活動，基本上都係相當MH嘅服裝，所以對PSO2嚟講風格幾迴異，別有一番風味。而今期MH合作，當然唔少得兌換所。而今年下半年Sega似乎好鍾意Event肝14星，今期MH活動又有肝肝有十四嘅活動……我當然係肝件長杖日後用啦……雖然我鍾意13星碌飛翔嶄刃嘅多啲……不過火力差啊……（遙望）
西部牛仔
「如同閃電般迅速，如同疾風般靈巧，如同烈焰般強大，如同流星般的一擊，準確地命中了『目標』。沒有欣喜，沒有悲愁，沒有錯愕，一切如同理所當然地發生，如同一如以往地高效率地處理着『目標』。啊啊，如果可以有留下遺言的閒餘的話，我只想對他說——『我想拯救你』。」
「蒼藍與朱紅，用兩位原初神靈嘅靈魂所打造，於黃昏之時，諸神與人類訣別之前，贈給人類嘅最後禮物。黑與白的雙槍所射出，蒼藍與朱紅嘅子彈，能將一切敵人送往虛無嘅彼岸。」
「西部係犯罪率高企嘅地區，司法不公，法律偏頗，貧富懸殊加上地域寬廣，難以作有效管理。所以在這偏遠嘅西部地區，毒品走私品多過薯仔嘅西部，卻有位行事作風公正不阿卻能一直安然當個警察官，不被撤換嘅傳奇。嗯？點樣認出佢？好簡單，每當有罪案發生嘅時候，係犯罪者面前仲會有個點睇都只有十多歲嘅少女，著住一身狩獵裝，頂住圓帽，披住殘破嘅披風，然後手執黑白雙槍，從高處躍下，對住犯罪者講出佢嘅招牌臺詞：『嚟細數你哋嘅罪孽吧。』」
「點睇都係手槍嘅黑白雙槍，係佢嘅手中就會變成機關槍，爲邪惡嘅犯罪者賜下槍林彈雨，如同機槍般嘅槍雨，連綿不絕，直至投降悔改爲止。」
「『Last Shoot。』——即使企圖逃跑，亦會被佢一個轉身射擊命中而動彈不得，這就係佢嘅強大，如同獵鷹般的敏銳觸覺，因而百發百中。」
MH狩獵Time
「呢招真係大作用力，短裙都吹起咗……嗚哇，底褲睇得一清二楚……」
「其實你條裙咁短爲乜呢……就算唔開火都露出嚟啦……啊，上衣個拉鍊拉好啲啊，個胸都就來睇曬。」
「嗯？睇下又唔會蝕〜方便行動最重要啊。」
「……着好佢啊。」
「你睇你睇，完美放走光對策。」
「咪又係個套衫，嗰種着法。」
「你睇住啦，等我儲個靚氣……你睇咁咪可以有光子光遮住！」
「…………真係波大無腦:(。」
「話說你好似識符術？」
「嗯！識少少咁啦。」
「有啲意外，明明咁蠢竟然……」
「咩蠢？啊，你係咪唔信我？好，等我表演下。首先咁樣企，之後取出符咒跟住咁樣搖啊啊……」
「（又睇撚曬底褲啦啊小姐……啊，我唔係蘿莉控）」
「咁樣就係最後一擊啦……啊後面？——呼啊啊啊——————！完美防禦嘅我！yeah！」
「（啊啊，露底已經習慣嗎這癡女……）」
「哦，換咗新衫？」
「咪你成日話我……你睇下呢套點？係咪好可愛？」
「唔啊係係……點解仲係短裙。」
「因爲方便。」
「………………。」
「你睇呢套係咪好好睇？啊，咁樣會唔會淑女啲。」
「係係係。好淑女！」
「啊，你又當我係白癡啦——」
「（嗯，無走光已經十分難得。）」
「唔！好！諗！住！走！啊！（瞬移）」
「軍神の力、我が手に。」