準失業雜記
失業
係，目前工作緊嘅公司因爲funding到期要走人，迷茫嘅我雖然send咗唔少CV出去但好似冇乜offer……唔。不過點都好，慳慳地，係失業後都可以支持兩個多月嘅生活，可以算係休閒地搵工吧。而且聽fd講佢做緊嘅學校會開新位，希望可以入到吧，因爲間學校幾近下，步行大概十幾分鐘到……
PSO2
終！於！
今日就有新緊急以及專家條件！希望可以新專家條件可以改善下野團嘅質素……13星都算，+30都無嗰啲究竟係點樣有專家條件……簡直迷……
記得今次嘅專家條件出來時開頭好多人都話難，但到呢刻，不得不說新條件比起舊條件好嘅地方係：
- 需要一定火力
- 需要識得避招
- 倒地=無傷害=時間拉長
- 單人Quest
簡單講就係裝備同技術都要有一定程度，而且單人任務，即係無得好似之前嘅條件咁有其他人可以帶過，變相通關得嘅都係有一定能力嘅人，先不負「專家」之名。不過咁……如果有專家專登拎把12星+0嘅，又真係好難控制到……唉。
但無論如何，希望可以再次體驗到野團假面都可以18分鐘內嘅快感（認真）
Neo Decade Driver
終於，唔係粉紅色嘅品紅Neo Decade Driver抵達我手。（dedede~dede~dedede~dede~)，因爲係港魂嘅關係，所以佢係用宅急便（公司名）送嚟我公司地址嘅。不過果不其然，宅急便（公司名）秉承派蘋果貨嘅精神，第一日派唔完就直接送回，唔OT，唔加班，唔超時工作，簡直係香港人當中嘅清泉，瀟灑得不得了——屌，搞到我查單仲諗點解會咁，一Google發現間嘢長期唔夠人手，好多時派貨唔狗時間派就會扮打咗電話無人聽直接回倉……乜撚嘢工作態度……唉，有啲擔心七月嘅Neo Di-End Driver會點……努力啲請個人好嗎？
女裝
我記得架……我記得架！我會趁失業期間努力拍多啲存貨架！……應該。新衫應該就無錢買（留錢過冬啊），不過重新組合啲服裝應該仲可以出多幾輯……仲有要努力學曉化妝……唉……
繪畫
最近亦開始連畫畫，水準當然係垃圾級（笑）。但做乜都好，我覺得都要開始做啲嘢先，起咗個頭，堅持到落去先有機會成功嘅（雞精MODE）。至於邊度有得睇？請Follow我Mastodon啦。
未來
未諗啊，俾我放半個月break先好嗎？
