《民主酒吧》
在某個清爽的清晨，鎮內唯一的民主酒吧早早開店了。雖然時間尚早，太陽仍沒有出來，但酒吧已坐滿人羣，暢談民主之大義。
這時，城內有名的民間特首之一的鄭經翰一臉風塵走進酒吧，逕直走向吧檯。
「黎老闆，來瓶民主溫酒！」
「好！」略胖的黎老闆看見熟客甚爲開心，遂從之。
「啊，多謝黎老闆！」
同時，不少的人見到民間特首到來，紛紛走前，望得偶像的一字半句，便是滿足的一天。
「喂，琴日酒吧議會過個無恥法案過咗啦喎，你又話飯民喺度會保住議會嘅？」
「這位兄台，喺嘅，飯民是失卻了一次重要嘅議題是毋庸的事實，喺有錯……」
這時，全場鼓譟，民間特首竟這麼指罵民主大黨，實在不該。
「不過——」
民間特首稍頓，便說：
「不過佢哋已經盡咗力，諗唔到喺呢段期間，土共嘅戰鬥值高咗咁多，又無恥咗咁多。佢地盡咗力，佢哋都唔想失卻呢次重要議題嘅。咁與其去指罵，不如去比啲支持佢哋，並祈願下次做得更好……」
羣衆對民間特首的妙答紛紛感到欣喜，並熱烈地拍起了掌。
這時，竟有一個不識相的男子問了他問題。
「盡力？有無衝主席臺啊盡力？有無築成人牆阻人走啊？阻人表決啊？有無衝去打柒個建制仆街仔啊？」
羣衆聽見這種暴力且充滿污穢言語的人如此責難民主派，頓時感到極爲憤怒。
「打殘個五毛去啦！」
「你咁講係咪收咗共產黨錢啊！」
「你咁講係咪想分化我哋民主酒吧嘅羣衆？共產酒吧最開心啊！」
「咪喺！唔好得罪共產酒吧囉！佢嬲起想嚟大家咪輸曬？」
「佢喺共產酒吧派嚟嘅間諜！大家小心啲！」
「講曬粗口咁低水平仲唔係共產酒吧嘅人？」
少男對羣衆的突然憤怒感到驚奇，詫異，深深陷入了混亂之中。
「呢度唔係民主酒吧咩？」男子疑惑。
「走啦！共產間諜！你哋喺分化唔到我哋對民主嘅決心架！」
「冇錯冇錯！」
男子覺得疑惑，想加以辯解。但在這個時刻，恐怕只有走爲上策。
「走啦！走啦！」
「走啦！土共間諜！」
男子走出酒吧，托了一下他的粗框眼鏡。
他追求民主而來，但被民主大義而被迫離開民主酒吧。
他清楚知道，民主酒吧不是他的歸宿。
「點啊？民主酒吧班人係咪好似邪教？」
走出酒吧不久，便有個和自己有幾分相似，長着一臉老人臉龐的男人走前。
「佢哋喺咁架啦，鍾意圍爐。」
「唔唔……其實，我嚟只喺想……」
「要去救鄉下？」
「啊？你點知架？」
「我識讀心術架嘛〜」
「？！」一臉狐疑。
「……吖〜講笑咋。其實我哋酒吧好多同志都係咁走來嘅，所以好明白你感受。」
「……你哋喺？」
「啊，我哋喺新開嘅本土酒吧〜地址喺……」
「疑，果度唔係廢店嚟嘅咩？」
「啊喺啊，原本喺嘅……不過我哋同志努力咗好耐，終於將個廢鋪整到個酒吧……」
男子知道，或許本土酒吧那裏有他要的靈丹，雖然佢沒有見過靈丹是怎樣。
「啊係喎〜你叫乜名？」
他問似乎是本土酒吧的人。
「我？我喺邊個其實唔重要嘅……不過……唔，你要叫嘅話，可以叫我Edward啦〜」