《香港仔》——香港仔，香港人，香港事。
（[由原作者 Ignxxx(Wikimedia User) 以 創用CC 姓名標示-相同方式分享 3.0 未本地化版本 方式授權](https://commons.wikimedia.org/wiki/File:Aberdeen,_Hong_Kong.jpg?uselang=zh-hk)）
不得不說彭導呢齣戲唔錯下，將一家三代所面對嘅困惑都寫曬出嚟，而且全片有住唔少「植入式廣告」，但又唔令人覺得好似TXB咁，怪怪哋。
例如話古仔嘅老婆曾經兩次睇到個美容廣告，同古仔成日話個女唔靚，唔似佢老母作呼應。
其他又例如古仔喺天台同個女傾偈，佢教個女如果如果有人欺負佢，就食啲榴蓮之後飲啲百事，打個嗝去噴佢。
但都片尾，個男同學畀古仔個女打飛咗幾米咁遠。呢個前後嘅對比，就係話緊一個好簡單嘅道理：弱國無外交啊（？）！！！！
而片頭、片尾中，都有千樺望遠景個shot。個viewing位好細，但喺出面又好大、好寬闊。
成個shot，我覺得喺話緊香港人，睇嘢睇遠啲啦，唔好固步自封，封咗自己喺個細細嘅viewing位到，原地踏步。
……我噏咗啲乜sosad.
Anyway，其次片中有啲句子都幾「正能量」下，例如古仔去到想同個成日暇佢嘅女同學道歉，點知個女同學話：
其實我轉咗學校之後就已經唔記得咗，估唔到你仲記到而家。
講嘅就喺做錯咗嘢，最受罪嘅唔係受害者，而喺有一日，發覺自己做錯咗，又搵唔到人去贖罪嘅時候，日日夜夜咁諗住而不能自拔，才喺真嘅「受害」。
仲有樣喺個細路女入咗醫院，同曾志偉對話果一段：
「哈，uncle，我會唔會死噶？」
「你要好耐好耐之後先會死噶。」 「咁我幾時先會死啊？」 「咪好耐好耐以後囉」 「咁點解要好耐好耐以後嘅？」 「因為要生活囉」 「點解要生活嘅？」 「唔……因為要揾錢囉。」 「咁搵錢要來做乜啊？」 「搵到錢……就可以去想去嘅地方。」 「咁可以去邊啊？」 「Errr」
曾志偉同個細路女嘅對話，將佢嘅困惑寫咗出嚟：忙咗半世人都唔知自己爲咗乜而忙，無目標、無方向、無理想。
——但同時，我諗佢所代表唔係佢自己，而係更多嘅香港人：喂，忙都隻狗咁啦，爲咗咩先？
結婚、賺錢、湊女、賺錢……之後呢？我諗呢個問題，好多人都答唔出。
但正正喺咁，彭導就想藉着呢段，畀觀衆諗吓：你咁忙，爲咗咩先？
唔包括我，因爲我家下唔忙。我而家喺無業遊民一個
最後有個場景喺成套戲高潮位，就係個座頭鯨擱淺咗，喺海灘到，有人喺度好努力潑水救佢一命。但喺同時更諷刺嘅喺，有人喺度掛住影相留念。
喺，That's Hong Kong.
講緊嘅就喺，有唔少人爲咗座頭鯨（香港）搞到好辛苦嘅時候，原嚟有人依然故我，自己顧自己嘅。
但就算喺咁，依然會有人爲此而努力，衆志成城，推個座頭鯨去返大海，爲此而奮鬥。
有冇用？唔知啵。
但喺起碼，大家一家人可以有得溝通，可以開開心心咁食餐飯，有商有量，而唔喺，一鎚定音。
香港仔講嘅，喺香港人嘅香港事。
亦喺香港的一幅寫照。
–
PS：套電影個劇情其實到好散下，不過見推座頭鯨個場景令我有少少感動加上喺彭導轉型（？）作品咁，就咁啦就w
延伸閱讀：
#
擱淺的鯨魚-陶傑