好似喺雜記，負向能量超滿載www
時日太快，無知的小孩一晚長大〜哼哼〜
–
又完咗個sem，又喺新學期新開始，雖然都喺咁慵懶〜XD。
生活嘅嘢，都喺咁啦，得閒就上網打下FGO，喺屋企就打下DFO咁，有lab就求其做咗佢交，週末就出去打Deck畀人輕鬆下。
–
話說，最近我有fd子唔知癡咗邊條根，話要努力學C++之類嘅嘢，想喺十年內月入十萬……
做人嘅嘢，真係有夢最美，哈哈。至少我唔會認真發呢啲夢w，始終理想同現實真係好大段距離。
不過，有啲夢想，活喺一個黐線嘅城市，會過得舒服啲。可以不停咁提醒自己聽日好過今日，今日好過昨日，之後努力奮進，充滿「正能量」。
喺嘅，如果人真係過得開心快樂，仲點會去追求乜都「正能量」呢？
–
最近畀另一個fd子男神Q傳道，走咗去睇拉打。咁就話說琴日就做到最新一集拉打高士德就有句：「人皆有自己的『正義』」。
唔，真係現實的話題。
啊唔喺，現實喺「只有我嘅正義喺真實的」，哈哈。
今日有親友L話因爲見到小朋友企喺地鐵度瞓覺好慘，所以佢應該讓座，而唔喺坐喺度玩手機，唔喺就無愛心巴拉巴啦……
喺呢，你有無去幫手叫人讓座啊？
無喎。
咁你又話人？
點解你可以咁冷血架？果個小朋友得幾歲人仔辛苦到瞓好慘架啦，你噉樣講咪啫喺冷血叭叭叭……
我忽然覺得，以前見果啲見人唔讓座就瘋狂咁屌人祖宗十八代嘅人好得意，至少，佢哋信佢哋所信，因所信而行。有勇氣。
看着這些血親，我一直提醒自己，做人要自私一啲，冷酷一啲，大膽一啲，一致一啲。
不過算，香港就係咁，僞善嘅總有佢市場，你睇，一個自稱愛護動物嘅組織瘋狂殺動物但仲生存到，你就會明白，香港地，真係一個充滿正能量、滿佈愛嘅地方。
–
唔，其實我喺咪應該多啲social，識下囡囡，散發多啲正撚樣好啲呢？