水貨？走私？港人走水貨多過中國人？咁所以呢？
關於水貨/走私問題，首先大家要搞清楚，走水貨=/=走私，走水貨亦是合法行爲。而有關媒體將走私等同走水貨，亦冇錯，因爲係香港法律而言佢地並無犯法（除非運奶粉/食米啦），他們只是觸犯咗中國法律而已。 亦因此，水貨客確實數字如何，其實都係斷估，唔好全信，記得留疑。
—
最近某啲中國人又唔知發乜神經攞啲舊聞嚟自瀆（[呢篇](http://news.netbirds.com/32/71293.html)）。咁我呢就嘗試搵可信來源、搵海關公文，當然係nothing。OK，呢個係其次，我心血來潮，想簡單講下關於水貨/走私一啲問題及基本concept。
首先講嘅係走私同水貨嘅分別。記住，**走私**同**水貨**係兩樣嘢嚟！
走私係非法行爲，一般而言，輕度嘅走私可以係應課稅但沒有課稅的物件及其他超出法例容許限額的物件，例如未完稅香煙、高額電子產品（根據中國法例，超過5000者應繳稅，當然部分IPhone因此係要繳稅啦）、食米（離港）、奶粉等等。係法律上，走水貨一經被捉到，係要被依法處理的。
而至於水貨，好多時候係本地無代理所以有人從外國自行入口並販賣，完稅後自是合法的水貨而非走私（若非須繳稅物品便不存在可能是走私貨的問題），而至少法律上大部分是合法嘅行爲。例如益力多、VLT、小熊餅之類，係法律上並無規制（至少香港係），帶多少、帶什麼是個別人士嘅問題。一個關於水貨嘅好例子係某數字某某屋，佢不少貨物都係屬於「水貨」，那麼某屋被警察拉人封鋪咗未？XD
承上，香港嘅水貨問題有個好重要嘅法律問題係，其實好多嘅水貨客運嘅野，其實係香港嘅法律而言是合法嘅物品，香港海關亦只能執行香港法律，所以對此產生咗相當困難。而雖然部分水貨在中國法律而言是走私貨，但是始終香港海關是香港的，並不能越俎代庖，至於深圳海關嘅問題……那又是個悠長嘅題外話了。（遙望）
再承上，所有水貨客嘅數字我希望各位持保留態度，有關數字並不能作爲判定某一方是否爲水貨/走私的主力嘅判定，因爲水貨是不會計算在內的。亦希望各位唔好攞住自家生產嘅數字去指責港人自打嘴巴或者指責中國人走水貨所以都是賊。搵責任不如搵個人肩起責任，處理好水貨or走私問題先啦。
至於要處理方法其實可以好簡單，簡單如對等的一天一行便能限制唔少。但真係要做，似乎好似難過叫佢落臺。