新加坡嘅小販政策同埋人才培訓嘅SkillsFuture計劃
喺今年新年嘅時候，有小販喺度非法擺賣，而警方嘅粗暴執法，令原本嘅小販墟市變成暴力抗爭，令小販問題再引起社會關注（好似喺），連財爺曾司長都喺財政報告話要搞美食車俾小販「上岸」。
咁喺香港以外，小販嘅遭遇又會喺點呢？今日就嚟講下現代法治嘅新加坡嘅小販。
# 歷史
喺最開初，喺應該講下歷史嘅，喺咪？咁喺上世紀五十年代嘅時候，由於當時失業率高，所以小販就以低門檻咁令好多人去做。果時嘅小販，主要喺販賣食物、水果、日常用品、補鞋甚至配匙都會有人做。雖然喺方便，不過由於確實地小販對環境造成幾大程度嘅影響，所以當時嘅政府搞調查小組「小販管理隊」，調查下點樣處理好，並承諾諗掂之前，唔會搞阻街以外嘅小販。不過當時政府和警察依然大肆搜捕小販。
最後，當時政府決定行發牌制度，用以控制小販嘅數量。此外亦都會興建小販中心，等小販從街道移到一個集中嘅地方，以免影響街道。
# 發牌制度
根據新加坡現時嘅法律，所有小販喺販賣之前必須要拎咗小販牌先。咁小販牌又喺點嘅呢？根據現時新加坡嘅法律，申請人必須喺個人身份，唔可以代表企業、獨資公司或合資公司。並且需要喺21歲以上嘅新加坡公民或者喺永久居民。任何人如果無持有有效嘅牌照而營業嘅話，首次犯法會處以5000坡元嘅罰款。如果再犯會處以最高10000坡元以及監禁最多3個月。
# 小販中心
爲安置並嚴密監控小販嘅衛生安全等方面，新加坡政府早就開設咗小販中心，並由新加坡國家環境局管理。小販中心類似香港嘅街市兼熟食中心，提供日常用品、水果、蔬菜甚至熟食等日常所需。新加坡嘅小販中心數量同地方同包括喺新嘅屋村規劃中。一般而言，宜家嘅新加坡屋村會確保喺1km範圍入面有呢啲嘅小販中心，以方便居民。
鋪位分資助同非資助。資助通常喺小販中心成立初期嘅小販喺小販中心嘅鋪位會公開招標，任何合資格人士都可以去競標並拎嚟做。唔同嘅鋪位會有唔同嘅附加條件，政府亦將熟食同非熟食鋪位分開嚟招標。如果無乜人爭嘅話，隨時可以以幾十坡紙拎到一個鋪位。以標得嘅鋪位，必須由投標人自己經營。如果決定放棄，會要求交返個鋪位。
# 衛生控制
喺小販中心經營嘅舖頭，尤其喺熟食舖頭受到當局嘅嚴密管理監控佢嘅衛生狀況，有關當局會隨時突擊檢查一啲熟食檔口。喺教育方面，檔口嘅所有會處理食物嘅人需要修讀政府開辦嘅食物衛生課程，並每三年修讀有關嘅進修課程，確保有關人士嘅衛生知識保持最新同高衛生意識。
此外，新加坡亦有熟食攤檔嘅分級制度，從最高嘅A到最低嘅D，而且有關嘅評級證書需要掛喺攤檔嘅當眼處，等市民可以一目瞭然，瞭解到有關攤檔嘅衛生環境會喺點。同時，新加坡政府亦對熟食攤檔實行扣分制，例如食物唔乾淨會扣6分同罰400坡紙，將唔乾淨嘅物料會扣4分同罰300坡紙等等。有啲比較輕嘅罪行例如無show到個營業執照雖然唔會扣分，但係仍然會罰200坡紙咁。如果喺12個月儲夠12分，可以換領吊銷牌照2-4星期嘅獎勵，嚴重嘅累犯仲可以享受永遠吊銷牌照嘅待遇。
# 未來技能計劃
新加坡當局喺今年推出咗SkillsFuture計劃，爲每個年滿新加坡人提供500坡紙嘅資助特定課程（金額會定期補充），以俾新加坡人可以持續進修，維持競爭力同埋發展興趣。而呢個計劃嘅涵蓋面廣泛，包括中餐烹飪，點心、麪包製作，人力管理，特定行業例如養殖業嘅專業知識，廣告宣傳甚至喺職業（Job）英語等等。
除此以外，計劃亦包括一啲幾專業嘅專業課程，例如網頁或程式設計，無人機操作，專業圖像軟件嘅使用，品牌管理，伺服器維護等等。除咗一啲實用或專業行業嘅課程之外，計劃亦包括咗一啲比較學術或者生活化嘅課程，例如水耕，藝術史，基本投資知識，動物行爲學等等，除咗爲職業之外，計劃亦都希望可以爲有興趣於某個範疇嘅新加坡人提供適合嘅資助去發展自我。
計劃仲包括對畢業學生嘅工作配對計劃，在職培訓計劃等等。令人可以一邊有穩定工作，一邊可以學到有關行業所需嘅知識。
# 結語
新加坡政府雖然喺個獨裁嘅政府，唔少嘅事上面都幾專橫，但喺無可否認新加坡政府做嘢可以諗到長遠發展，會諗點樣令社會和諧，而唔喺單純叫提出問題嘅人收皮，就當問題唔存在。香港政府喺羨慕人哋發展得好嘅時候，應該諗下，自己可否拋開「香港喺中國嘅一部分」呢啲政治情緒嘅包袱，仔細聆聽民意，行政軟硬兼施，諗清楚未來會喺點，要點行。做之前，諗清楚，唔好用咗過億整件垃圾出嚟。成日屌當年英國佬點點點食水深。
喂阿哥，人哋超支出嚟咩成績，你出嚟又咩成績啊？
參考：
[http://www.skillsfuture.sg/](http://www.skillsfuture.sg/)
[http://www.legco.gov.hk/research-publications/chinese/1314fs10-hawker-policy-in-singapore-20140526-c.pdf](http://www.legco.gov.hk/research-publications/chinese/1314fs10-hawker-policy-in-singapore-20140526-c.pdf)
[http://global.udn.com/global_vision/story/8664/1569171-%E4%BD%9C%E4%BC%99%E5%91%B7%E9%A3%AF%EF%BC%9A%E6%96%B0%E5%8A%A0%E5%9D%A1%E5%B0%8F%E5%90%83%E5%B0%8F%E8%B2%A9%E7%9A%84%E6%95%85%E4%BA%8B](http://global.udn.com/global_vision/story/8664/1569171-%E4%BD%9C%E4%BC%99%E5%91%B7%E9%A3%AF%EF%BC%9A%E6%96%B0%E5%8A%A0%E5%9D%A1%E5%B0%8F%E5%90%83%E5%B0%8F%E8%B2%A9%E7%9A%84%E6%95%85%E4%BA%8B)