衫
終於PSO2嘅EP5告一段落，最近亦換咗套衫，大概係咁：
套衫幾有生物感，着上身幾有人形野獸嘅感覺，不過可惜我無咁多飾物襯得好睇啲……嘛，窮啊，無錢課金啊。雖然配上弓有獵人嘅感覺，不過一開火……
ステラーーーー！！！
（悼念今天仍要死無數次嘅某大英雄）
故事
EP5故事應該完結，跟住剩低嘅應該只係啲緊急，所以影響唔大。不得不說EP5前面唔知做乜鳩，中間唔知做乜鳩，到ED唔知做乜鳩，之後，係熟悉嘅SF故事啊Babyyyyy！
故事講到ED後酷似omega嘅王女嘅人出來搵主角打招呼。EP3時候アウロラ講過傳聞當初封印DF就係將所有因子集中係一個人身上之後一齊封印。而呢位仁兄omega大爆炸時候吸曬啲能量從異世界歸來，跟住應該係嚟復仇嘅。跟住吹水期間發現唔妥嘅シエラ開alert，不過連埋六芒兩人一齊打都不敵。準備斷滅嘅時候，リサ出現並作出了第一下有效攻擊。
六年啊！！！リサ呢個角色嘅伏筆埋咗六年啊！點解リサ身爲Arks但對佢嘅情報乜柒都唔知，點解EP2絕對令時候リサ仲有自己嘅意識，點解EP2時全部導師半跪リサ依然企得穩，點解佢係EP5似乎睇到アルマ，點解佢可以周不時又劇透下。——答案只有一個，リサ，你就係……其實我都唔知，不過咁睇，佢應該掌握唔少黑幕資訊，包括點解一見面就識得叫シバ做「終の女神」等等，爲EP6埋下伏筆。
EP6
EP5亦完結，從現有時間表睇應該出年春季會有EP6。根據之前9#所講，應該EP6會有新職業（傳統嚟），係我嘅角度，希望可以好似係Hero咁使用自由切換多種武器戰鬥但又唔係既存武器，最理想係可以同一把武器不過可以好似God Eater咁從鐮刀/槍械轉換咁嘅生物兵器，跟住唔同PA會變成唔同嘅形態應該唔錯型下。不過時間嚟睇，相信應該有初稿甚至開始進行緊新職業測試（有嘅話），無論如何可以期待下。畢竟PSO2係咪都會全職業制霸。
而對於EP5（嘅ED後內容），我只想講：
よくやった、セガ！