好耐無試過打個機打到火到想棄game……對上一次喺……真喺無……xenoblade2作爲一套「神作」，令我首次因爲嬲佢隻game系統垃圾而棄game，對此我真係要深表讚賞。
1.地圖/任務垃圾級
呢個應該唔使多提，網上我見好多評論都提及呢個問題，導航系統極度有問題，對距離嘅「定義」極爲線性，有時候要回頭再兜嘅路嘅話，會變成距離增加而令玩家誤會行錯方向（其實無錯到）。而且各種提示欠缺，某啲任務要採集先有嘅道具，地圖無提示，任務淨喺叫你喺xx地區收集，然後呢？我Google先知要靠採集。而且採集機率低，採集十個使咗我大半個鐘……
2.手遊 on the JRPG
手遊最大賣點或者叫特色喺各種抽卡系統，隻game直頭嵌入咗落嚟。戰鬥中嘅後援就係故事中嘅blade。設定唔多講，系統上佢就係負責輔助主角打怪，以及放下必殺技。咁問題嚟啦，點入手？當年劇情會有堆，但喺除此之外嘅就係要靠寶箱等嘅方式入手去「抽」。手遊搞呢樣無問題，因爲玩家可以靠錢堆起來，但喺單機入面要堆嘅唔係錢，而係時間，而且有時間儲集唔代表你就抽到勁嘅……定係爲DLC買石鋪路？Who knows.
3.戰鬥系統太高深
戰鬥系統基本上喺MMORPG套路，剋屬性，堆能力，然之後喺合適時間用唔同既能造成combo達致最大傷害。但喺問題嚟啦，隻game本身只有最基本咩剋屬性，咩喺擊飛，點樣擊飛嘅教學，咁具體點樣進一步運行整個系統令到整個戰鬥流暢甚至打出更大傷害呢？麻煩Google啦唔該。
當然如果我唔明嗰系統點樣運作都過度關喺冇問題嘅，但正正xb2嚟講，如果你唔明個戰鬥系統嘅運行方式，你會慘過玩dark soul……唔，至少我覺得dark soul嘅教學喺齊嘅，之後只喺要熟習各類動作嘅特性和boss嘅動作之類。好啦，呢個亦引申到另一個問題：難易度。
4.難易度
好似上面咁講，如果你唔明戰鬥系統嘅正確運作方式 learnt from google，你基本上喺慘過玩dark soul。而且呢個正正喺要批評嘅另一個地方：xb2提供咗一個豐富嘅劇情，但喺要睇劇情，你基本上只有學識戰鬥系統一途，因爲呢度喺無任何難易度選擇嘅。縱觀同期，閃之軌跡三亦喺大幅修改戰鬥系統，如果你唔熟習個戰鬥系統，普通難度同地獄難度無分別，但喺，但喺！至少！人哋爲想欣賞劇情提供咗超級簡單難度，有幾簡單？基本上你識食藥，識放已經輕鬆過關而享受劇情（不過閃三嘅劇情真心太長……）
5.Decade
睇標題唔明就唔明啦，仲有一個值得批評亦都喺好多JRPG值得批評嘅就喺系統繁複，支線過多。支線過多我可以唔做所以算，但喺系統方面呢……當然如果有仔細說明喺冇問題，但喺xb2說明明顯不足，指示欠奉，基本上同無hud喺無分別。雖然所有嘢好似想互相鏈結，但事實上反而造成更大嘅問題。例如某角只可以裝某blade，然而該blade所有嘅強化件要玩一個bit game，而且仲要喺上個世紀嘅地獄難度……最後該角慘遭我雪藏，完。
6.內奸作
其實我對畫面要求唔高，其實呢個對我嚟講真喺唔多重要，不過都想提下，呢個作品其中一個，亦喺好顯赫嘅缺點就喺畫面。我唔知班開發食咗咩屎，明明隔離mario嗰幾隻game可以喺垃圾及嘅switch配備嘅限制下，掩飾到好似好靚咁。但喺zb2完全將switch嘅配備不足嘅弱點暴露出來，我好想問，xb2嘅開發團隊究竟收咗Sony同MS幾多錢先做得咁垃圾？
7.優點
兩個，音樂真心好聽，以及劇情真心唔錯。可惜喺體驗到呢兩樣嘢之前，唔少玩家（包括我）已經俾上面嘅壓死咗。
完。