[不定期政治亂噏]錢銀呢家嘢……

利申：全屬鳩噏，如有雷同，真喺陰功。

&#8211;

**政治捐獻？So what?**

所以話真係一流人才從商，三流人才從政。最近炒得最熱烈嘅本地新聞，想必係肥佬黎射水畀飯民單嘢。先唔講 [#Old_news_is_so_exciting](http://news.sina.com.hk/news/20111019/-1-2466955/1.html)，單係唔少飯民一句：「不收有目的的捐款」就戇鳩到無得彈（雖然佢哋11年都喺咁答sosad）。無目的？Come on，如果有一日有條友走黎同你講：「收咗去啦，無條件架。」&mdash;&mdash;你驚唔驚先？就好似某強國「施捨」畀各大貧窮國家，你真的以爲純屬「施捨」？喺「送大禮」嘅背後，其實喺想透過錢銀這些東西來籠絡人心，提高自己喺國際上的影響力（誅心論？Ok，你話喺咪喺囉）。正如各大飯民收錢的背後，肥佬黎想的就是用錢支持啲民主運動（屌我講呢句都有啲醜），想班飯民好好地爭取民主咋。其實政黨議員收錢真喺唔喺bad news，衰就衰在班飯民仲想攬住道德光環，[有啲仲死口唔認](https://hk.news.yahoo.com/%E9%BB%8E%E6%99%BA%E8%8B%B1-%E9%8C%A2%E6%8D%90%E7%95%80%E9%BB%A8-%E6%AF%9B%E5%AD%9F%E9%9D%9C-%E6%AF%AB%E5%AD%90%E4%B9%9F%E6%B2%92%E6%94%B6-215907878.html)。講真，肥佬黎都認話啲資料喺內部server嘢，喺堅嘢，咁你否認，莫非想話人喺度講大話？

**咁點搞先？**

抽完水，最緊要就係要解決問題啊嘛。其實呢幾日好多時評人都輕輕地提過&mdash;&mdash;無乜？主流媒體這些東西你明嘅&hellip;&hellip;

其實解決呢啲無乜聊嘅爭拗，比較簡單（其實都唔喺好簡單下&hellip;&hellip;以今日政界現況，過到喺奇跡）嘅方法喺就政黨法和檔案法立法。正式要求所有入得立法會的所有參政團體公開財務來源、財政收益虧損表，出曬喺立法會個website度，當然立得檔案法，仲要禁埋啲政府部門亂咁燒啲舊文件，乜黎智英啊、中聯辦啊捐嘅全部見光，睇下邊個最驚？始終呢啲嘢點容易羅生門咗，倒不如公諸於衆，學某國領導人話齋，讓權力在陽光下運行啊嘛。

再詳細啲咁講，透過建立政黨法，所有參政團體均需要登記。登記在冊者，須公開所支出收入，防止利益衝突：禁止大公司、大額捐贈，有利益衝突要避諱之類。其後透過檔案法，所有政黨以至政府，不得隨意銷毀文件，須透過特定檢定部門，分門別類將各種文件加以保存咁。你話咁做，最怕嘅會唔會喺一個晚會籌得6838萬果啲政黨人士呢？

**依靠愛國勢力來反中亂港？**

另一個聽得愛國報多嘅論點喺黎智英收美國佬錢，勾結愛國勢力搞亂香港企圖搞革命。OK，我哋當有愛國勢力介入喺真嘅，搞革命又喺真嘅先&mdash;&mdash;當住先啦。咁又點？講下歷史，當年打國民黨中共喺靠邊個資助先？孫中山嘅金主嚟自邊度、啲武器邊個畀嘅先？中共講緊嘅社會主義喺邊教嘅先？咁點解中共、孫中山搞革命就喺好嘢，家下就喺漢奸走狗、反中亂港分子先？寫得評論，畀啲邏輯都得掛？其實依靠愛國勢力來「反中」真喺唔喺乜新嘢，亦唔喺乜衰嘢，最緊要啲民衆受唔受。不如咁，喺鬧佢哋通番賣國同時，不如我哋嚟計下今之中共年中食咗幾多外國資金、畀咗幾多錢去某些國家、助長全球反美、反西方勢力呢？況且，啲外國勢力射得咁少，真係點打得過對家。

講事實，啲愛國撚or道德撚上身嘅人唔鍾意聽o架。

&#8211;

加多個呼籲：

&nbsp;

大家記得啊，要反對啲勾結外國勢力嘅漢奸，千祈唔好投票畀果啲乜DAR（香港民主建國聯盟，Democratic Alliance for Republic of Hong Kong）嘅垃圾啊！識投，一定係投和平愛國非暴力嘅香港民主黨！ pic.twitter.com/TaYS7m5VdL
    &mdash; レンちゃん@酷熱的七月。 (@lenchan139) [July 24, 2014](https://twitter.com/lenchan139/statuses/492366166615027713)

&nbsp;