歷史
如果你回顧歷史，我相信好多人都會毫無爭議地認同，香港係1997年前，係英國嘅殖民地，但對於97年時係「主權移交」定係「回歸」，可能有少少分歧——當然，係中國嘅論述當中，香港「曾經」係中國嘅領土，係「不平等」條約之下，被迫被列強之一嘅英國「侵佔」咗，而當然個動詞自然係「交還」而非「移交」。
而係97前，英國委任的港督爲了便利管治又好，出於現實無耐而訂立的也罷，事實就是，香港制定好多正常民主、自由國家唔可能都今天仲會存在並加以行駛嘅高壓統治用嘅法律以及使用方式。舉例說，好多人批評的公安條例，部分內容係當年港府因應暴徒工會工聯會嘅六七暴動而制定嘅有少少特殊嘅法律，當中包括不反對通知書嘅起因——對集會人數要求嘅法律，都係因應當年暴徒工會嘅暴動而制定的。客觀的事實便是，係97前，不少當時制定嘅公安條例法律，係97前主要係針對當時受中國共產黨支持嘅暴徒們，而隨着暴動逐漸平息，不少比較辣嘅例如集會限制嘅條文亦逐步廢除或至少逐漸減辣。
但這些往日限制、打壓共產黨黨羽嘅法律，不少爲了「便於管治」，係97年前嘅臨時立法會卻又拎返出來，拎出來打壓異己，歷史真是諷刺。
不是兄弟
係中國嘅論述中，香港係中國不可分割嘅既有領土，香港人都是中國人、中國同胞balabala，而中國的宣傳機器偶爾亦會宣傳中國政府點樣政策傾斜香港人，點樣對香港人好——例如SARS唔夠物資都送俾香港先啦，香港對索羅斯係靠中國政府嘅外匯啦，香港人係中國有最優國民待遇啦等等。但如同新疆、西藏等少數民族一樣，中國當然只會提及少數民族有優待，考試甚至有加分，但對當地居民嘅打壓，虐待甚至集中營事情當然係子虛烏有、敵對勢力試圖製造謠言誣捏中國政府的清白，甚至搭好戲棚請BBC記者去睇——看，這「教育營」多麼的好。
香港嘅狀況當然沒有新疆西藏那些地方那麼水深火熱，相對而言，香港還是中國領土中，最自由嘅地方，而這份自由當然不是什麼中國政府的恩賜——信嘅先係白癡。
無論中國如何吹噓北京深圳上海澳門點超越香港，香港唯一，亦極具價值嘅股市及金融市場系統佢始終冇辦法複製得到。一個良好嘅金融市場必須足夠自由出入、低稅制、健全制度。健全嘅制度不止單純規矩上嘅健全，更重要係，系統內嘅營業人員們能夠照規矩行事，令系統能穩定、暢順以及公平地運作，並使得外國的資本亦相信如此，這點，是中國其實城市做不到亦不可能做到的。
因爲英國打造嘅殖民城市是如此成功，中國獲得香港後，亦期望可以透過呢度，將資本走向世界。但中國明白香港嘅價值但同時卻害怕香港脫離控制，所以一邊希望香港自由繁榮嚟幫佢搵錢，但另一方面卻搬起以前殖民地年代嘅萬惡法律工具，毫不留情地打壓「港獨」。當然，中國炒作「港獨」還有以此炒作民族主義情緒嚟穩定內部，但同時亦想透過政治批鬥及資本控制者嘅轉移，逐步控制香港——聽話就有錢賺，唔聽話就係「港獨」等住批鬥大隊全面進場吧。
香港總有一班矯情嘅人覺得，甚至信咗中國講香港人也是中國人，大家都是同胞。但其實你睇返你會不禁失笑，香港現行嘅政治制度根本就係英國統治時期嘅加辣版，甚至將兩局嘅實權剝奪咗，使得區議會淪爲單純嘅諮詢機構，使得政府嘅行政同民意越走越遠。
解殖
以前嘅英國並不要求香港人要愛國愛港，更多係希望係香港搵錢發大財，對於本地嘅情況，基本上無咩所謂嘅「底線」問題，只係想香港作爲搵錢機器可以暢順運作，並及早以可能溫和嘅方式處理掉一啲潛在問題。而這些殖民主對於殖民地嘅態度都可能一致——壓榨出更多利益並確保殖民地能穩定地被壓榨——但不同殖民主對於如何維持穩定嘅處理態度卻不大相同。英國對於香港除咗經濟價值外嘅嘢其實點都好，所以放權俾港府，而港府亦擔心自身政權合法性，尤其係工聯會暴動事件後，設立多層機構，聽取民意。
但主權移交後，中國口裏說大家是同胞，但基於現實利益及大國主義，不得不照搬殖民主義嘅制度，甚至簡單粗暴地寫條新法例，宣言舊有嘅英女皇及英國政府以中國政府取代，而懶得逐條修改。這除了爲了安穩當時嘅人心之外，中國亦實際上用殖民地管治嘅方式管治香港——畢竟中國並不信任香港，雙方嘅價值觀差太遠了。
這也是很常見的事。經過多年嘅分離，香港同其他殖民地一樣，同所謂嘅舊有國家有很大嘅文化及各種嘅鴻溝，貿然「回歸祖國懷抱」地處理，只會製造龐大嘅社會矛盾。所以，聯合國會有個殖民地list，呢啲殖民地係脫離殖民主後，可以選擇新殖民主或索性直接獨立。但在列強想拉攏嘅中國強烈要求下，香港被踢出了殖民地的名單，而整個政權移交嘅過程中，香港人嘅意見絲毫沒有被安排入去，甚至乎出現了聲稱香港人係同胞嘅國家嘅對家反而希望可以重視香港人民意嘅請求，多麼滑稽而黑色幽默。
當然，亦因此舊有殖民地嗰套被直接搬落97後，很多現行嘅法律，制度，只要不出事基本不會理嘅狀況。而香港亦只是將殖民主從「英女皇」換成了「中國政府」。亦所以，香港人嘅身份認同以及政治制度處於很詭異嘅現況：一羣法律中國人並不願承認自己是中國人並以身爲中國人爲恥。
如果想有效改善香港嘅社會狀況，首先絲毫不能避忌就係理清香港究竟係「中國香港」還是「中治香港」。如果係前者，那就請給予同等國民待遇，全面履行一國兩制的莊嚴承諾，給予香港人尊重以及民主選舉制度，並重新審查香港法律，廢除或修改所有具有殖民地意識嘅法律。如果係後者嘅話，麻煩唔好再話我哋都是同胞——我們只是中國的壓榨地居民而已，Thats All。